Segunda, Maio 17, 2021

Familia vitima husi dezastre naturais hamutuk nain 350 iha Laklubar, munisipiu Manatuto, hetan ona apoiu humanutaria husi governu.

Sekretariu Estadu Protesaun Sivil (SEPS), Joaquin Gusmao Martins, hateten familia vitima nain 350 afeta husi dezastre naturais ne'ebe akontese inklui rai halai no estraga komunidade sira nia hela fatin iha suku Orlalan, Funar, Batara no Fatumakerek iha postu Laklubar iha dia 17 Abril liu ba.

Sekretariu Estadu Protesaun Sivil (SEPS), Joaquin Gusmao Martins, hateten familia vitima nain 350 afeta husi dezastre naturais ne'ebe akontese inklui rai halai no estraga komunidade sira nia hela fatin iha suku Orlalan, Funar, Batara no Fatumakerek iha postu Laklubar iha dia 17 Abril liu ba.

"Tanba ne'e ohin ita halo ona apoiu humanitaria hanesan, foos, mina, supermi, susu ben, lona no sasan dapur nian," nia hateten.

Nia dehan, dadus ne'ebe SEPS asesu ne'e husi xefe suku rasik no ekipa dezastre naturais munisipiu no submete ba governu hodi prosesu apoiu humanitaria ba familia afetadu sira.

"Fase primeiru nian ita apoiu emergensia uluk depois ita sei halo fali identifikasaun hodi halo konstrusaun ba uma estragus sira," SEPS Gusmao informa.

Tanba ne'e, nia husu ba komunidade sira utiliza lai apoiu sira ne'ebe governu oferese maske oituan maibe bele fasilitas lai komunidade sira iha situasaun ida agora ne'e.

Iha parte seluk Xefe Suku Orlalan Carlos Alves agradese ba apoiu ne'ebe mak governu oferese ba komunidade afetadu sira.

"Mas ke apoiu ne'e oituan maibe ita agradese tanba liu husi esforsu Sekretaris Estadu Protesaun Sivil nian no ohin loron ita nia komunidade sira bele hetan ona apoiu,” Xefe Suku Orlalan Alves dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04