Domingo, Maio 16, 2021
Total visitors: 561451

Mate isin husi vitima dezastre naturais ne'ebe mak akontese iha dia 4 Abril foin liu ba, nain 10, to’o agora seidauk hetan.

Sekretariu Eatadu Protesaun Sivil (SEPS), Joaquin Gusmao Martins, hateten total ema ne'ebe mak lakon vida husi dezastre naturais hamutuk 45 maibe husi numeru ne'e nain 10 mak mate isin seidauk hetan.

Sekretariu Eatadu Protesaun Sivil (SEPS), Joaquin Gusmao Martins, hateten total ema ne'ebe mak lakon vida husi dezastre naturais hamutuk 45 maibe husi numeru ne'e nain 10 mak mate isin seidauk hetan.

"Mate isin nain 10 ne'e oras ne'e dadaun familia hamutuk ho governu buka hela vitima hirak ne'e nian isin mate, maibe la hetan," SEPS Gusmao dehan.

Tanba ne'e governu nafatin esforsu hodi buka tuir nafatin nune'e bele hetan hodi intrega ba familia hodi halo'ot iha fatin deskansa ikus nian.

"Atu buka mate isin nain 10 ne'e ita kordena ona ho Unidade Polisia Maritima (UPM) tanba inundasaun rai monu taka no mota bo'ot bele lori ba tasi," nia informa.

Tanba ne' dehan, durante ne'e governu ho familia buka tuir duni maibe disifil atu hetan isin mate vitima sira nian.

"Husu familia sira atu simu realidade ida ne'e tanba ida ne'e difisil atu hetan maibe ita nafatin esforsu,” nia salienta.

Alende ne'e nia dehan, ema ne'ebe lakon vida hamutuk 45, nain 20 husi Dili, seluk husik munisipiu afetadu husi dezastre naturais foin lais.

Entretantu, inan MC, husi matebian JF hateten, sira nian ona lakon iha dia 4 Abril, to'o agora familia buka la hetan, tanba ne'e husu apoio governu nune'e bele tulun netik makina ruma hodi buka.

"Ami husu governu nian tulun liu liu konaba makina ruma nune'e ami bele utiliza hodi suru rai hodi buka tuir hau nian ona nia isin mate nune'e ami bele halo kultura hodi halot nia isin mate ho diak," nia hateten.

Nia dehan, durante ne'e familia matebian loron kalan tanis deit tanba matebian nia isin mate la hetan, no oras ne'e sira la hatene rai mak taka ka mota lori tiha ba tasi, tanba ne'e husu governu atu apoio familia hodi buka.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04