Sexta, Abril 16, 2021
Total visitors: 558227

Membru Parlamentu (MP), Fabião Oliveira husu governu atu buka solusaun hodi fasilita transporta mate isin inisial IN ba Rejiaun Administrativa Espesial Oecusse-Ambeno (RAEOA) tanba semana ida ona rai iha mortuario Hospital Nasional Guido Valdares (HNGV).

Membru Parlamentu (MP), Fabião Oliveira husu governu atu buka solusaun hodi fasilita transporta mate isin inisial IN ba Rejiaun Administrativa Espesial Oecusse-Ambeno (RAEOA) tanba semana ida ona rai iha mortuario Hospital Nasional Guido Valdares (HNGV).

Nia dehan matebian hanesan estudante iha Universidade Nasional Timor Lorsa’e (UNTL) no laiha familia iha Dili atu hakoi tanba ne’e familia husu governu atu fasilita transporta mate isin ba Oecusse.

“Dificuldade serka sanitaria ro la lao tanba ne’e se posivel ro polisia Maritima nian bele fasilita mate isin ne’e fila ba familia sira ne’ebe hein hela iha Oecusse,” nia hateten iha plenaria.

Entretantu, Membru Parlamentu husi RAEOA, Deputada Luisa Taeki hateten governu tenke buka solusaun ba povu Oecusse atu bele transporta mate isin sira iha mortuario ba hamutuk familia no familia sira ne’ebe mai iha Dili antes aplikasaun serka sanitaria tanba evolusaun moras ne’e kada loron aumenta no la iha serteja atu hotu.

“Los ita hotu hatene katak Covid-19 ne’e ladiak duni ba ita, maibe ita mos hanoin se ita extende beibeik la buka solusaun para povu Oecusse tula mate isin ba tanba laiha familia iha Dili atu hakoi,” nia hateten.

Nia dehan sira fila ba to’o RAEOA sei kumpri regras ne’ebe hasai ona husi ministerio da saúde no Oganizasaun Mundial Saúde (OMS) tama iha kuarentina tanba sira hela iha Dili kleur ona laiha ona nesesidade atu sustenta moris, wainhira hela kleur tan.

Nia informa hahu loron 9 fulan Marsu governu deside aplika serka sanitaria no konfinamentu domisiliariu iha munisipio Dili to’o loron 15 fulan marsu. No hare ba kazu aumenta ba beibeik governu deside extende tan ba iha loron 2 fulan Abril.

Iha parte seluk, xefe unidade mortuario, iha Hospital Nasional Guido Valdares (HNGV), Filomena Gomes hateten mate isin husi munisipio seluk inklui Dili lori sai hotu ona, maibe mate isin ida husi Oecusse dadaun ne’e rai hela iha jelera laran tanba seidauk iha familia ida mak mai atu foti sai mate isin ne’e.

“Mate isin ne’e ami prezerva hela iha jelera laran hodi hein familia sira organiza transporte hodi mai foti sai, maibe to’o agora semana ida ona familia ida seidauk mai koalia ho ami atu foti sai mate isin ne’e,” nia hateten.

Nia dehan matebian ne’e mate tanba moras laos kazu, maibe familia seidauk mai foti entau obrigado tenke tau iha jelera laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04