Sexta, Abril 16, 2021
Total visitors: 558227

Munisipiu Dili durante ne’e rekolha ona reseitas husi estasionamentu hamutuk montante $111.046 no hatama ona ba kofre estadu nian.

Admistrador Munsipiu Dili Gaspar Soares hateten, reseitas ne’e ekipa estasionamentu munisipiu Dili rekolha hahu husi tinan 2018 mai to’o ohin loron.

Admistrador Munsipiu Dili Gaspar Soares hateten, reseitas ne’e ekipa estasionamentu munisipiu Dili rekolha hahu husi tinan 2018 mai to’o ohin loron.

“Reseitas sira ne’e ita rekolha iha fatin estasionamentu ne’ebe mak funsiona iha dalan publiku iha Dili laran,” Admistrador Dili Soares hateten.

Nia dehan, osan sira ne’ebe ekipa rekolha hatama hotu iha kofre estadu no sai hanesan reseitas global estadu nian.

“Husi funsionamentu estasionamentu durante ne’e kuntrubui tebes ba kofre estadu liu husi servisu diak ekipa estasionamentu nian,” nia dehan iha knar fatin, Dili.

Alende ne’e nia dehan, total pesoal ne’ebe destaka iha estasionamentu iha Dili laran hamutuk 48 pesoas.

Entretantu, Xefe Ekipa Estasionamentu, Julio Martins, hateten durante ne’e membru sira halo servisu iha area estasionamentu diak tebes maske loron manas ka udan, sira la iha fatin hodi helik an maibe sira nia vontade serviso hodi kuntribui ba estadu.

“Servisu iha estrada publiku hanesan pesoal estasionamentu ne’e la fasil hanesan iha hotu hare, maibe sira nafatin halo sira nia serviso hodi rekolha reseitas no hatama ba kofre estadu,” nia dehan.

Maibe nia dehan, maske komunidade ka motorista balun la satisfas no sira nia servisu dalan ruma sira halo agresaun fisiku hasoru membru sira maibe la hamate sira nia vontade servisu tanba sira nia espritu ba kuntribuisaun dezenvolvimentu tuir sira nia moto, makas tebes.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04