Sexta, Abril 16, 2021
Total visitors: 558227

Organizasaun Permakultura Timor-Leste (PERMATL) prontu apoio governu hodi hadia rekursu be’e ba komunidade, tanba durante ne’e sira mos halo ona konservasaun no halo kanalizasaun be’e moos ba komunidade.

Diretor Ezekutivu PERMATL, Ego Lemos hateten, PERMATL hanesan organizaun ida ne’e nia servisu foka liu ba konservasaun rai no be’e moos, hodi tulun komunidade sira ne’ebe mak la asesu ba be’e.

Diretor Ezekutivu PERMATL, Ego Lemos hateten, PERMATL hanesan organizaun ida ne’e nia servisu foka liu ba konservasaun rai no be’e moos, hodi tulun komunidade sira ne’ebe mak la asesu ba be’e.

“Servisu ne’ebe mak sira halo durante ne’e kuntribui tebes ba dezenvolvimentu ba komunidade no nasaun ida ne’e liu-liu iha parte be’e nain, tanba ne’e PERMATL prontu apoio governu bainhira presija hodi hadia rekursu be’e hodi fasilita komunidade,” Diretor PRMATL Lemos dehan.

Nia haktuir rekusru be’e importante tebes ba komunidade tanba be’e fo vantagen ba podusaun agrikultura sa’e nune’e ema bele saudavel.

“Ita presija tau rekursu hamutuk hodi hadia no fronese be’e ba komunidade liu husi koperasaun ne’ebe ami halo ho Ministeriu Obras Publikas hodi halo konservasaun ba be’e,” nia dehan.

Alende ne’e nia dehan, durante ne’e sira halo ona konservasaun be’e no kanalizasaun be’e moos iha Munisipiu Ermera, Dili, Manatutu no Bobonaru.

Iha parte seluk, Ministru Obras Publikas, Salvador Eugenio Soares, hateten atu hadia rekursu be’e iha Timor-Leste, governu mesak labele maibe presija kontribuisaun NGO lokal no internasional sira nian apoio atu bele atinje ba objetivu Desenvolvimentu Sustentavel (ODS) iha rai laran.

“Ita iha ona planu hodi hadia rekursu be’e no kopera ho parte relevante hotu hodi hadia rekursu be’e maibe dadaun ne’e ita sei tama hela ba situasaun Covid-19 tanba ne’e ita labele halo baut ida, no dadaun ne’e ita nafatin iha komunikasaun atu situasaun lockdownd ne’e remata iha direta implementa planu,” Ministru MOP Eugenio dehan.

Nia dehan atu atinje objetivu lolos ODS presija ema hotu nia kuntribuisaun no tau hamutuk ideia.

“Tuir planu VIII governu nian ba tinan lima ita identifika ona investimetu ne’ebe mak presija ba fornesimentu be’e moos ba no sanitariu iha Timor,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04