Sexta, Abril 16, 2021
Total visitors: 558227

Diretor Ezekutivu Arkivu no Muzeu Resistensia Timorense (AMRT), Antoninho Baptista Alves hateten sira rekolha ona 50,000 pasta dokumentus istoriku husi individu, organizasaun direitus humanus, no organizasaunsolidaridade sira husi rai laran no rai liur.

Diretor Ezekutivu Arkivu no Muzeu Resistensia Timorense (AMRT), Antoninho Baptista Alves hateten sira rekolha ona 50,000 pasta dokumentus istoriku husi individu, organizasaun direitus humanus, no organizasaun solidaridade sira husi rai laran no rai liur.

Nia salienta dokumentu sira ne’e kuaze 15,000 resin dokumentu mak tratadu remata ona no rai ona iha depositu, no hatama ona iha sistema dijitalizasaun atu publiku bele asesu, maibe iha dokumentu balun ne’ebe rai hanesan arkivu deit publiku labele asesu.

“Sira ne’ebe rai dokumentu no asegura dokumentu iha situasaun difisil, to’o ohin loron entrega ba muzeu ne’e, ami rejistu hamutuk nain 202 pesoas. Sira balun fo ho naran organizasaun, no balun mos ho naran individu hanesan responsavel ne’ebe asegura dokumentu ne’e,” nia hateten iha servisu fatin Colmera, Dili.

Nia dehan memoria passadu ne’ebe registu hanesan dokumentu, korespondensia, aktas, recorte no imprensa.

Nia hatutan prezerva memoria passadu seluk mak espasu hanesan abrigu sira ne’ebe uluk instala iha situasaun difisil hodi subar guerrilheira sira, no fatin logistika hodi ajuda falentil sira luta ba libertasaun.

Nia informa sira mos halo aproximasaun ba veteranu no veterana sira atu ida-ida konta sira nia istoria tanba en jeral hotu-hotu hanoin ba ukun rasik aan, maibe passajen tomak diferente ho situasaun ne’ebe diferente ema ida-ida nian.

Nia hateten memoria passadu barak mak lakon, liu-liu husi testamunha oral sira tanba sira barak mak mate ona tanba ne’e importante halo aproximasaun ba sira ne’ebe sie moris atu rai hela sira nia pasajen ba jerasaun foun sira tuir mai.

Iha parte seluk, Sekretaria Jeral Organizasaun Popular Mulher Timor (OPMT), Florentina Smith hateten muzeu iha papel importante tebes atu prezerva memoria passadu sira ba jerasaun foun sira tuir mai.

Nia dehan esperensia peskiza no hakerek livru kona ba involvimentu feto iha luta libertasaun nasional ho titlu Buibere Hamrik ba Ukun Rasik Aan la fasil tanba limitasaun kapasidade no abilidade atu rekoila informasaun hodi hakerek ba livru.

“Livru ne’e sai hanesan lisaun ida, ita bele hateten katak joven timor oan sira mak halo peskiza no hakerek. Dala ruma ema dehan timor oan bele ou lae, maibe hatudu duni joven nain 20 ho esperensia naton atu halo trabalho ida ne’e,” nia hateten.

Nia dehan joven sira ne’e presiza tempu tinan 10 resin hodi konklui hakerek livru ida ho pajina 570 resin konaba involvimentu feto iha luta libertasaun nasional tinan 1974 to’o 1999.

Nia garantia memoria passadu sira ne’e bele motiva no enkoraja jerasaun foun sira atu banati tuir hodi harii dezenvolvimentu ida ne’ebe sustentavel.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04