Sábado, Março 06, 2021
Total visitors: 551764

Polisia Nasional Timor-Leste (PNTL) asina MoU no Banku Centra Timor-Leste (BCTL) liu-liu Unidade Informasaun Finanseira (UIF) hodi formaliza serviso hodi kombate movimento osan falsu iha Timor-Leste.

Komandante PNTL, Komisario Faustinho da Costa hateten, MoU ne’e hodi formaliza serviso sira hodi responde ba pedidus balun oinsa formaliza kombate krime refere.

Komandante PNTL, Komisario Faustinho da Costa hateten, MoU ne’e hodi formaliza serviso sira hodi responde ba pedidus balun oinsa formaliza kombate krime refere.

“MoU ne’e atu Banko Central liu husi Unidade Informasaun Finanseira (UIF) hodi serviso hamutuk no halo prevensaun ba krime sira ne’ebe ita lakoi akontese iha ita nia rai,” Komisario Costa infroma.

Nia dehan, koperasaun serviso husi MoU ne’e sei implementa husi parte investigasaun tanto serviso informasaun hodi hare ba iha implementasaun aktividade sira.

“Implementasaun ne’e ita sei hare liu ba tipo krime sira no oinsa atu bele troka ideia hodi halo prevensaun,” nia informa.

Entretanto, Diretora Ezekutiva UIF, Maria Jose Sarmento, hateten, MoU refere hodi hametin koperasaun seviso entre UIF no PNTL hodi kombate krime sira ne’ebe ligada ba finanseira iha Timor-Leste.

“MoU ne’e PNTL liu husi serviso informasaun no investigasaun kriminal ami sei serviso hamutuk hodi analiza ho responde ba hahalok krimi sira,” Diretora UIF Sarmento dehan.

Tanba ne’e ba futuru karik PNTL presija UIF nia tulun konaba fornese informasaun no analiza informasaun sira ne’ebe mak ligasaun ho krime, UIF pronto.

“UIF ita nia natureza rasik tuir dekreto lei numero 17/2011 ne’ebe vigora katak Unidade Informasaun Finanseira hanesan ajensia central ida atu simu relatorio tranzisaun suspeita husi intituisaun finanseira no naofinanseira ne’ebe define ona iha lei anti brankeamentu kapital,” nia dehan.

Tanba ne’e nia dehan, koperasaun ne’ebe durante ne’e UIF halo ona ho Autoridade Juridisiariu, Polisia Serviso Investigasaun Criminal, Comisaun Anti Corupsaun, no SERVE, Ministerio Publiku no ohin loron ho tan PNTL sira ne’e sirviso ligasaun hotu ho analizasaun informasaun finanseira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04