Sábado, Março 06, 2021
Total visitors: 551764

Emprezaria nasional Kathleen Gonçalves hateten industria produsaun saku amigavel ambiente sai oportunidade merkadu ba sira atu investe hodi kontribui ba redus saku plastiku, no dezenvolve setor ekonomia iha Timor-Leste.

Emprezaria nasional Kathleen Gonçalves hateten industria produsaun saku amigavel ambiente sai oportunidade merkadu ba sira atu investe hodi kontribui ba redus saku plastiku, no dezenvolve setor ekonomia iha Timor-Leste.

Nia dehan mundu ohin loron fo atensaun makas ba kombate plastiku, no governu Timor-Leste iha komitmentu bo’ot atu implementa politika zero plastiku tanba plastiku fo impaktu ba ambiente no saúde publika humanu nian.

“Atividade seluk ne’ebe hau atu halao mak fabrika suku hena tanba negosio oportunidade mak ida ne’e. Agora ita hare metas SDG husi nasaun estado unidos mos introdus hela zero plastiku, no Timor-Leste iha komitmentu atu implementa zero plastiku. Entau ami hakarak kria ami nia fabrika atu bele produs saku oferese ba merkadu,” nia hateten iha residensia Manleuana, Dili.

“Ema negosio nain ne’e tur hare merkadu nia presiza, no hau hare fabrika suku saku ne’e entau ami foku ba setor ida ne’e tanba merkadu presiza.”

Nia dehan iha Timor-Leste kuaze metade husi 1.2 miliaun populasaun ne’e utiliza plastiku lorloron, no agora saku plastiku bandu la halo importasaun.

Nia hatutan operasaun ba industria produsaun saku ne’e sei hahu tempu badak tanba fatin estabelese ona no ekipamentu sira kompletu ona.

Nia informa investimentu ida ne’e sei oferese oportunidade servisu ba timor oan nain 25 to’o 30.

Iha oportunidade ne’e, nia dehan atividade ekonomia ne’ebe halao dadaun iha setor turismo no hospitalidade, konstrusaun no komersio, maibe enfreta dificuldade bo’ot iha situasaun emergensia ne’e tanba turista sira la mai no atividade komersio sira ladun lao ho diak.

Iha parte seluk, Seretario Estado Sekretaria Estado Ambiente, Demetrio do Amaral de Carvalho hateten sira halao ona sorumutu ho setor privado nasional sira atu hare sira nia dificuldade sira tanba dekretu lei eleminasaun plastiku tama ona iha vigor.

Nia dehan dokumentu diretiva operasional ne’ebe koalia kona ba lista plastiku ne’ebe atu hamenus iha fulan nen oin mai mak saku plastiku, plastiku sira falun hahan no kaneka plastiku sira deit restu seidauk tanba hamenus hotu bele fo impaktu ba empreza sira.

“Ba oin ita hare kapasidade subtituisaun kaneka, aqua gelas sira iha ona, no mekanismu empreza nasional sira iha preparasaun eleva sira ba iha ne’eba mak ita sei hasai tan lista plastiku seluk,” nia hateten.

“Ema mate tanba kankru kauza microplastiku ita seidauk hatene, maibe iha mundu hatudu microplastiku oho ema barak tebes, no manu inklui epesies bo’ot sira mate tanba plastiku.”

Nia dehan iha kompania ida mak halo hela resiklajen ba saku plastiku ba material konsrusaun, maibe kapasidade 2 toneladas kada loron. Nia haktuir ne’e la bele rezolve problema plastiku iha rai laran tanba iha munisipio Dili deit kada loron produs lixu plastiku 20 toneladas husi 49% ne’ebe bele rekoilha la inklui 51% ne’ebe soe iha tasi no sunu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04