Sábado, Março 06, 2021
Total visitors: 551764

Diretor Executivu Servisu Registu no Verifikasaun Emprezarial (SERVE), Florêncio Sanches hateten sira simu pedidu barak husi empreza sira tantu nasional no internasional husu halo transformasaun ba atividade negosio atu bele hetan lukru.

Diretor Executivu Servisu Registu no Verifikasaun Emprezarial (SERVE), Florêncio Sanches hateten sira simu pedidu barak husi empreza sira tantu nasional no internasional husu halo transformasaun ba atividade negosio atu bele hetan lukru.

Nia dehan Orsamentu Jeral do Estado tinan 2021, sai esperansa ida ba setor privado sira atu hahu fali atividade negosio ho diak tanba tinan rua governu lao ho orsamentu dua desimu atividade barak la implementa no sirkulasaun orsamentu menus rezulta empreza barak taka.

“Ami enkoraja emprezario nasional sira atu labele taka kompanHia, bele suspende atividade ou transforma atividade ekonomia tanba ita mak nain ba rai no populasaun ida ne’e labele taka kompania. Uniku solusaun ba vida moris nian mak setor privado,” nia hateten via telefone.

Nia dehan, tuir lei tributaria fo dalan ba empreza ne’ebe hetan lukru menus husi $6,000 durante tinan ida la kona taxa, no sira ne’ebe hetan lukru liu $6,000 durante tinan ida kona taxa.

Nia haktuir, lei ne’e mos hateten kompanhia ne’ebe lolos tenke selu taxa, maibe kompanhia hasoru dificuldade bele deklara atu bele hetan ezesaun temporario atu bele dezenvolve negosio diak liu tan.

Nia hateten, sira estabelese ona sukursal iha munisipio sia, no adopta sistema elektroniku atu fasilita emprezario sira registu no halo renovasaun ba sira nia lisensa negosio.

Tuir dadus SERVE nia husi tinan 2013 to’o 2020, total empreza tantu nasional no internasional ne’ebe registradu iha sistema registu hamutuk 31,500 kompanhia.

Iha parte seluk, Presidente Board Rede Feto, Yasinta Lujina sujere setor privado no governu atu hamutuk dezenvolve setor produtivu sira, liu-liu agrikultura atu bele sai fonte rendimentu ne’ebe efetivu no sustentavel ba komunidade sira.

Nia agradese ba planu intervensaun governu nian iha situasaun emergensia hanesan subsidio $200 kada uma kain no distribuisaun aihan ba komunidade, maibe evita halo povu sai dependensia tenke promove partisipasaun komunidade nian iha atividade ekonomia.

“Ami iha grupo inan sira ne’ebe simu Bolsa da Mae ita fo solusaun alternative ba sira hanesan halao atividade agrikultura, halo negosio ki’ik, hakiak animal atu bele iha rendimentu lorloron nian tanba bolsa da mae simu tinan ida dala ida, maibe nesesidade lorloron nian iha,” nia hateten

Nia espera, setor privado no negosio nain sira bele hare ona setor agrikultura sai hanesan fonte rendimentu ida ne’ebe efetivu atu bele halo dezenvolve diak liu tan tanba ho ida ne’e mak bele kontribui hadia ekonomia familia no nasaun nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04