Quarta, Janeiro 27, 2021
Total visitors: 544951

Secretario de Estado do Ambiente (SEA), Demétrio do Amaral de Carvalho hateten sira simu keixa barak husi komunidade kona ba atividade produsaun tahu no tempe kauza prejuizu ba komunidade sira hela besik tanba la halo jestaun ne’ebe diak ba bee foer husi produsaun halo iis makas.

Secretario de Estado do Ambiente (SEA), Demétrio do Amaral de Carvalho hateten sira simu keixa barak husi komunidade kona ba atividade produsaun tahu no tempe kauza prejuizu ba komunidade sira hela besik tanba la halo jestaun ne’ebe diak ba bee foer husi produsaun halo iis makas.

Nia salienta, depois halo inspesaun hare maioria industria produsaun tahu no tempe sira laiha lisensa ambiental tanba ne’e presiza atu hasa’e konsiensia empreza sira nian atu halo negosio ne’ebe amigavel ba ambiente.

“Industria tahu no tempe ne’e atividade moris ema ki’ik nian, maibe sira nia impaktu mos ita tenke konsidera tanba atividade worshop ida ohin ne’e atu ita hadia emprezario industria tahu no tempe sira nia prespetiva kona ba ambiente atu sira trata lisensa ambiental,” nia hateten bainhira partisipa iha workshop ho tema “Hadia ita nia ambiente liu husi planu jestaun ne’ebe diak no amigavel hodi garantia dezenvolvimentu sustentavel,” iha salaun Tower Fatuhada, Dili.

Nia dehan lisensa ambiental ne’e sei iha estudu ki’ik ida kona ba impaktu ambiental ne’ebe iha posiblidade mosu husi atividade industria atu bele ajuda halo planu jestaun ambiental ne’ebe diak hodi redus impaktu ambiental no saúde publika.

Nia informa, kodigu penal artigu 215 kona ba definisaun krime ambiental hateten atividade ki’ik oan ne’ebe ema halo kauza prejuizu ba ambiente ne’e konsidera krime ambiental, maibe agora dadaun governu nia intervensaun atu hametin prespetiva no edukasaun ambiental ba emprezario sira.

Iha parte seluk, Diretor Empreza For T4, Enin, Osorio Xavier Verdial rekonhese sira seidauk iha lisensa ambiental, maibe prontu atu kopera ho governu hodi hadia diak liu tan negosio industria Tahu no Tempe.

“Ami nia hanoin katak iha deit lisensa husi SERVE ne’e legal ona, maibe sei iha tan lisensa husi ambiental tanba ne’e ami presiza informasaun sira ne’e atu bele trata lisensa ida ne’e hodi suporta ami nia ativdade,” nia hateten.

Nia dehan iha tinan 2017, sira hetan sansaun koima husi Autoridade Inspesaun no Feskalizasaun Atividade Ekonomika Sanitaria no Alimentar (AIFAESA) ho montante $1,000 tanba laiha lisensa.

Nia hatutan nudar empreza ki’ik sira simu notifikasaun sira husi autoridade sira atu hadia, maibe triste autoridade sira foti desizaun taka atividade negosio no aplika sansaun multa ne’ebe bo’ot ba empreza sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04