Quarta, Janeiro 27, 2021
Total visitors: 544951

Sekretario Estado Formasaun Profesional no Emprego (SEFOPE), aloka $227,000 hodi apoio sentro formasaun profesional 16 ne'ebe mak investe hodi kontribui fo kapasitasaun ba joventude sira iha Timor-Leste.

Sekretario Estado Formasaun Profesional no Emprego (SEFOPE), aloka $227,000 hodi apoio sentro formasaun profesional 16 ne'ebe mak investe hodi kontribui fo kapasitasaun ba joventude sira iha Timor-Leste.

Sekretario Estado SEFOPE, Alarico do Santos hateten, sentro formasaun 16 ne'e komposto husi ESTVJ sira ne'ebe existi iha Dili no munisipio sira, Bom Bosco, Madre Canossiana, no grupo Auto Emprego tolu (3).

"SEFOPE Aloka orsamento $227,000 ne'e hodi apoio no dezenvolve sentro formasaun 16 ne'e atu bele halo formasaun no kapasitasaun ida ne'ebe diak liu tan ba ita nia juventude sira nune'e sira bele kria rasik kampo de trabalho," SEFOPE Santos dehan.

Nia dehan, alokasaun orsamento ba sentro formasaun 16 ne'e nia total montante diferente tuir sira nia proposta ne'ebe sira aprezenta.

"Osan $227,000 ba sentro formasaun sira ne'e hodi halo aktividade iha fim do ano nian no Janeiro mak ita aloka tan hodi reforsa liu tan sira nia serviso," nia informa.

Tanba ne'e nia dehan, SEFOPE nafatin apoio hodi reforsa sentro formasaun sira tanba husi sentro sira ne'e mak loke dalan ba juventude sira hodi kompete iha kampo de trabalho no hamenus dezemprego iha Timor-Leste.

Entretanto, Kordenador Sentro Formasaun produsaun komsunidor Munisipio Viqueque Mariano Frederico Hornai hateten, orgulho tebes ho governo liu-liu SEFOPE tanba bele fo oportunidade ba grupo produsaun konsumidor sai benefisiario hodi hetan apoio husi governo.

"Orsamento ne'ebe mak ami hetan total $9,000 ital. Osan ne'e ami sei utiliza tuir akordo ne'ebe mak ami halo ho SEFOPE rasik," Kordenador Hornai hateten.

Nia dehan, orsamento ne'e sira utiliza ba selu trabalhador sira no kompleta fasilidade sira ne'ebe mak presija no mos ba formasaun ba juventude sira.

"Dadaun ne'e ita iha formando hamutuk nain 179, konba oinsa atu produs hahan lokal sira no oinsa atu asesu ba merkado," informa.

Enkuanto total formador iha sentro refere hamutuk nain 18 no ema ne'ebe mak serviso iha sentro refere nain 25 sira ne'e mak finalista husi sentro formasaun produsaun konsumidor nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04