Quarta, Janeiro 27, 2021
Total visitors: 544951

Diretor Geral Pekuaria no Veterinaria, iha Ministerio Agrikultura no Peskas (MAP), Domingos Gusmão hateten sira fo ona lisensa ba kompanhia hamutuk 10 atu halo produsaun ba produtu animal hodi responde ba iha nesesidade konsumu rai laran.

Diretor Geral Pekuaria no Veterinaria, iha Ministerio Agrikultura no Peskas (MAP), Domingos Gusmão hateten sira fo ona lisensa ba kompanhia hamutuk 10 atu halo produsaun ba produtu animal hodi responde ba iha nesesidade konsumu rai laran.

Nia dehan, sira fo prioridade atu hasa’e produsaun produtu fahi, karau, no manu tanba tinan kotuk mosu moras fahi nian African Swine Fever (ASF) kuaze populasaun fahi iha teritorio tomak mate hotu.

“Oras ne’e dadaun ita fo hela rekomendasaun no kria ona sistema ba empreza publika sira atu involve iha hasa’e produsaun animal. Sira kontinua hakiak no faan moris deit bainhira la folin afeta ba rendimentu tanba ita seidauk iha industria ida atu prosesa,” nia hateten iha JL. Villa Aimutin, Dili.

Nia fo ezemplu, produtu manu broiler hakiak durante 28 dias deit bele faan ona, entaun bainhira faan la folin implika ba gastus tanba ne’e governu hanoin ona atu kria sistema matadoru ba manu.

Entretantu, Ministru Kordenador Asuntu Ekonomia, Joaquim Amaral hateten iha planu rekuperasaun governu aloka ona $340,000 hodi fo kreditu ba empreza sira tanba iha empreza balun hetan susesu hakiak karau no manu presiza extende tan atu hasa’e produsaun.

“Tau osan hodi hadiak, buka karau no fo treinu sira hakiak animal. Sira nia produsaun tama iha merkadu entaun sira nia kreditu iha sustentabilidade, ne’e mak ita dehan kontinuasaun,”nia hateten.

Iha parte seluk, Vice Presidente Camara Comersio Industria Timor-Leste (CCI-TL), Rui Castro hateten depois mosu surtu COVID-19 no governu deside taka fronteira sira labele hatama manu oan husi Kupang, Indonesia, tuir orario normal loron tersa no sesta tanba ne’e produsaun manu tun makas.

Nia dehan manu broiler ne’e semana ida luut dala rua no nakfera dala ida iha segunda kalan sira tula mai to’o iha Timor, loron tersa no segundu nakfera iha loron kinta tula mai iha sesta.

“Ikus ne’e manu nian oan mate barak tanba nia nakfera iha loron segunda, loron tersa husik deit kalan mak tula mai to’o iha Timor loron kuarta tanba fronteira loke iha loron kuarta deit. Manu oan sira ne’e to’o mai ita tula iha kareta ba to’o iha Lospalos iha loron kinta entau kareta tula mai 15 to’o 20 mil manu oan bele mate 5 mil ou 50% husi kuantidade ne’ebe hatama mai,” nia hateten.

Nia dehan, Movimentu Asosiasaun Ekonomia Komunitaria nia membru hakiak nain sira kria hela kompanhia ida no hetan apoia finanseiru husi Banku Nasional Comersio Timor-Leste (BNCTL) atu estabelese matadoru ba manu ho kapasidade oho manu loron ida 12-16 mil manu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04