Terça, Março 02, 2021
Total visitors: 550987

Ministerio Edukasaun Juventude no Desporto (MEJD) konsidera Eskola Sekundario Jeral (ESG) Taur Matan Ruak Baucau, ne’ebe harii iha tinan 2016, ilegal tanba la iha rekonhesimento husi Governo hodi hala’o prosesu aprendisagem.

Ministerio Edukasaun Juventude no Desporto (MEJD) konsidera Eskola Sekundario Jeral (ESG) Taur Matan Ruak Baucau, ne’ebe harii iha tinan 2016, ilegal tanba la iha rekonhesimento husi Governo hodi hala’o prosesu aprendisagem.

“ESG Taur Matan Ruak iha Munisipio Baucau ne’e ita konsidera ilegal,” Ministro MEJD, Armindo Maia hateten.

Nia dehan, estudante sira ne’ebe mak durante ne’e hamahon an iha eskola refere, liu-liu finalista sira, governo resolve ona no tuir ezame nasional.

“Estudante finalista iha eskola refere ita kolabora hamutuk ho diretor edukasaun Munisipio hodi inklina sira ba iha eskola sira ne’ebe mak legal no estudante sira hahu ezame ona” Ministro MEJD Maya hateten.

Tanba ne’e nia dehan, ba se deit atu hari eskola tenke hetan uluk rekonhesimento husi governo atu bele hetan legalizasaun nune’e, estudante sira labele sai vitima hanesan kazu refere.

“Eskola ne’e loke la iha fasilidade nune’e mos professores no la iha rekonhesimento husi Ministerio Edukasaun Juventude no Desporto,” nia informa.

Entretanto Diretor Edukasaun Munisipio Baucau, Januario Natalino Jose Amaral hateten, koperasaun ne’ebe mak edukasaun Munisipio halo ho Ministerio Edukasaun Juventude no Desporto hodi fasilita estudante finalista nain 30 hodi partisipa iha ezame nasional.

“Ita fasilita finalista 30 ne’e tanba eskola ne’ebe mak antes ne’e sira hamahon an ba seidauk rekonhese husi governo no eskola refere taka ona no estudante sira ne’e abandona durante tinan rua nia laran,” nia dehan.

Tanba ne’e nia dehan, Ministerio Edukasaun Juventude no Desporto lakoi estudante sira ne’e sai vitima nafain entaun ministerio inklina estudante hirak ne’e ba iha eskola sira ne’ebe mak legal iha munisipio Baucau hodi bele tuir prosesu ezame nasional.

Iha parte seluk, Kordenador Rede Edukasaun Timor-Leste Coalition for Education (TLCE) Jose Monteiro hateten, eskola ne’ebe mak la iha rekonhesimento husi goveno no bainhira loke la prense kriterio sira husi MEJD tenke taka.

“Governo iha kompetensia hodi taka eskola refere maibe ita husu mos governo labele haluhan hodi resolve problema estudante sira ne’ebe mak adandona hela durante ne’e,” nia husu.

Enkuanto nia dehan, bainhira atu loke eskola ida tenke iha rai rasik, edifisio, nune’e mos hare ba numero populasaun iha area refere no orsamento, no mos professore sira, karik ida ne’e la iha, governo liu husi MEJD iha kompetensia hodi taka.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04