Terça, Maio 21, 2024
Total visitors: 766366

Maske Governu liu husi Admistrasaun Distritu Dili iha ona ekipa saneamentu hodi hamos iha sidade Dili laran maibe iha bairo-bairo foer kontinua nakonu tanba la iha fatin lisu atu komunidade sira tau foer ba.
“ita hare iha Distritu Dili nian ita tenki hato’o ba sira hodi servisu hamutuk ho meu ambiente para atu buka fatin nebe lisu nian ne’e para it abele organija ona ita nia ema sira ne’e bele hatene tuir an” hateten deputadu Alberto da Silva Cruz, semana kotuk iha PN. Tuir nia, nudar sidadaun ne’ebe moris iha nasaun ida tenki kontrola nia aan rasik, liu-liu ambiente. “dala ruma mos it abele dehan saude iha ita nia liman rasik , ida ne’e fila fali ba ita ida idak nian konsiensia”
Albertu hatutan tan katak, obrigasaun Governu nian mak tenki tau fatin lisu iha dalan dadaln sira ne’e atu nune’e komunidade sira lao bele soe foer.
“buat sira ne’e sira tenki esplika sai iha media para publiku bele komprende , se lae ema ladun hatene saida mak naran meiu ambiente”Albertu informa.
Entretantu deputadu Romeo Moijes informa liutan katak, foer sira nebe mak dala barak iha sidade Dili laran ne’e admistrasaun distritu Dili nian tenki hare hodi hari fatin nebe mak diak atu nune’e komunidade sir abele soe foer.
“tuir regulamentu nebe mak Governu fo sai katak, saneamentu importante tebes ba iha ita nia saude , tamba ne’e mak lisu nebe mak ita lao hare iha Dili laran transporte publiku nebe mak liu husi ministeriu Estatal fo responsabilidade ba admistrasaun distritu Dili nian atu utilija kareta sira ne’e hodi tula foer sira ne’e”
Rome’e husu ba Admistrasaun distritu Dili nian fo responsabilidade ba foer sira nebe mak iha bairo bairo sidauk iha fatin lisu .
“hanesan distritu Dili infrenta mak ne’e , oinsa para atu hamos no kanalija foer sira nebe mak komunidade tau , bele tau iha fatin nebe ke dok sai husi moras”Romeo hato’o.
Wainhira jornalista koko konfirma asuntu ne’e ba iha Administrador Distritu Dili, Ruben Braz de Carvalho maibe la konsege tanba la iha fatin.