Terça, Maio 21, 2024
Total visitors: 766366

Sekretariu Estadu Agrikultura e Arborikultura, Marcos da Cruz hateten konstrusaun ba irigasaun Bebui oras ne’e dadauk atinji ona pursentu 87 (87%) e espera katak bele remata iha tempu badak nia laran.
“Irigasaun ne’e hahu funsiona desde 10 Junu 2010 e husi irigasaun ne’e povu koileta dala ida ona sira nia produsaun iha natar hectares 253 no iha tinan ne’e laran bele ona inagura,” nia informa.

Nia hatutan, oras ne’e dadauk povu komesa kuda hare namanas e kuaze natar hectares 1.100 mak konsege kuda hotu ona.
Konstrusaun ba irigasaun ne’e rasik hahu desde 2009 maibe la konsege remata tuir tempu ne’ebe determina tanba impaktu husi mudansa klimatika mota sobu tiha fali.
“Lolos remata iha 2010, maibe sasan hanesan besi sira ne’ebe monta mota lori tiha hotu entaun presiza tan tempu atu halo remata projetu ne’e,” hateten Prezidente Komisaun D, Deputada Brigida Coreia.
Tuir nia, konstrusaun irigasaun ne’e rasik uluk kaer husi kompana Filipina nian e agora mos sira mak kontinua kaer projetu ne’e. “E hein katak irigasaun ne’e bele funsiona iha tempu badak,” nia esperansa.