- Publika iha: 06 Janeiro 2012
Governu Timor-Leste liu hosi Sekretaria Estadu Formasaun Professional no Emprego (SEFOPE) no Governu Australia liu hosi Embaixada Australia iha Timor-Leste, assina Nota Entendimentu atu bele hahu programa haruka trabalhadores Timorona ba servisu iha Australia.
“Objectivo husi asainatura akordu ida ne’e hanesan ofisialmente ita formaliza ona ita nia koperasaun ho Governo Australia iha programa haruka trabalhadores sira ba servisu iha Australia. Prinsipalmente iha primeiru momentu ita sei perpara permeiru grupu ba servisu iha sidade naran Broom, iha Australia, atu kobre ba sira nia nesesidade emprezas industria turismo ninian nebe ke persija duni maun-de-obra atu ba servisu iha ne’eba” hateten Sekretariu Estadu SEFOPE, Bendito Freitas, durante serimonia assinatura MOU iha Salao Enkontru SEFOPE, iha Kaikoli, Dili, foin lalais (1/12).
Nia haktuir tan katak asinatura nebe realiza ne’e hatudu ona katak atu hahu ona coperasaon servisu entre Governo Australia no governo Timor-Leste, candidatus trablhadores sira sei hetan oportunidade atu ba servisu ho empresaa iha sidade Broom, Australia Osidental durante fulan Ne’en (6) deit, iha setor Turismo no Hospitalidade.
SE Freitas sublinha tan katak iha future sei iha mos posibilidade ho nasaun sira seluk nebe persiza trabalhaores hosi rai liur no mos sei halo koperasaun hamutuk.
Nia hateten tan katak servisu koperasaun entre governu Timor-Leste nomos Governo Australia durante ne’e diak tebes tamba durante ne’e SEFOPE hetan apoiu finanseiro nomos tekniku liu-liu ba programas hanesan empregu ba juventude, nomos kapasitasaun instusional, dezenvolmentu rekurzu humanu, no fasilita formasaon ba directores nomos fungsionariu.
Iha opotunidade hanesan Embaixador Australia, Miles Armitage, hateten objektivu hosi Governo Australia mak atu ajuda kapasita joven sira ne’ebe sei partisipa iha program ne’e.
“Objektivu husi asinatura ne’e atu bele haruka Timoroan sira bele ba servisu iha areas Turismu iha Broome, iha Western Australia, nomos bele dezenvolve sira nia kapasidade, no sira mos simu osan ba servisu ne’e. No iha parte seluk bele fo benifisu ba nasaun Timor -Leste nomos ba Western Australia,” hateten Embaixador Armitage.