Sexta, Março 29, 2024
Total visitors: 766366

Tuir  Deputadu Estanislao da Silva katak, enkontru ho Asembleia Parlamentar Comunidade Paizes da Lingua Portugues (AP-CPLP) ne’e oinsa bele hametin koperasaun diak liutan  entre Asembleia Parlamentar ninian no mos fo hanoin ida oinsa bele hari parlamentar CPLP nian ba future.
“Mas uluk nanain ami sei hare kona-ba regulamentu komisoens ninian,hanesan komisaun sirkulasaun sidadaun ninian,pur ezemplu ita Timor ba Brazil karik oinsa ita bele ba iha ne’eba investe ba rai ne’ebe parte CPLP nian,”hateten Deputadu Estanislao da Silva, semana kotuk,(19/09).
Nia afirma, iha vizita parlamentu ne’e oinsa bele  lei balun atu harmoniza entre nasaun CPLP ninian. “Neduni ami sei diskuti  primeira ves para aprova regulamentu ida no ami sei koalia kona-ba buat ne’e hodi rekomenda ba Prezidenti Parlamentu nianhodi regula parlamentu nian iha ne’eba,” nia katak.
Deputadu ne’e hatutan, iha reuniaun ne’e oinsa bele kria grupu traballu ida oinsa bele hare kona-ba koperasaun ekonomika nian no mos hare kona-ba area investimentu nian entre CPLP.
“Iha idea ida ne’e oinsa bele ami atu avansa vestival cultural ida ,oinsa pais CPLP sir abele aprejenta festival kultura ida  atu hakerek eskritoriu, muzikas no mos buat sira seluk” nia dehan.
“Ita nia kultura  kahor malu ho kultura bara barak tanba ita nia maun no avo balun mos ema afrikanu no mos balu Portugues“nia tenik.
Entertantu Vise Prezidenti   Parlamentar  do CPLP  deputada ,Josefa Alvares Soares hateten,  vizita asemblea parlamentar do CPLP iha fatin historiku sira ne’e ,ida ne’e hanesan reseitas ida ba Timor-leste.
“Maibe iha objetivu ida katak, ita hakarak atu lori sira ba konese ,hare wainhira aban bainrua sira iha hanoin diak ruma hakarak atu mai investe iha Timor sira bele iha ona konesementu kona-ba fatin sira ne’e,” Josefa tenik.
Fatin historiku hirak ne’ebe AP-CPLP vizita mak Statua Amo Papa Joao Paulo II iha Tasi-tolu, semeteri Santa Cruz no mos vizita Palacio Nobre Lahane.
“Vizita rate Santa Cruz tanba ita hotu hatene katak, sira barak mak rona naran masakre 12 Novembru maibe sira la konese fatin ne’e ,entaun presizamente ita lori sira ba to’o ne’eba atu nune’e sira hare rasik  ho sira nia matan, “ Deputada ne’e afirma.
Hafoin vizita fatin historiku sira ne’e membru parlamentu nain tolu  hamutuk asemblea parlamentar CPLP ba vizita fatin historiku ne’e.
“Ami nudar grupu nasional ida ke bele atende kona-ba delegasaun sira ne’ebe mak mai husi estranjeru ,tanba ne’e mak ohin grupu nasional ne’ebe mak forma husi hau ,Deputada Fernanda Lay,Deputadu Paulo no Deputada Jacinta Perreira,”nia hateten.