Sexta, Março 29, 2024
Total visitors: 766366

Maske  siklista Timor oan la manan maibe sira nafatin kontente tanba bele compete ho siklista estranjeiru  hodi  partisipa iha kompetisaun Tour de Timor ne’ebe organiza husi Gabinete Prezidente da Republika  haleu Timor hatudu ba sira katak Timor mos  bele.
“Maske ami la juara maibe ami kontenti tanba nudar Timor oan bele hatudu diak ona ba  ema estranjeiru  sira,” hateten siklista Jacinto da Costa, semana kotuk (16/09) hafoin tama iha lina final iha Palacio Prezidenti Nicolau Lobato,Lanud Dili.
Tuir nia, maske Timor foin mak ukun aan maibe Timor oan  tenke hatudu sira nia talent ba ema estranjeiru sira katak Timor mos bele.
“Tanba ne’e hau husu ba Timor oan hotu-hotu tenki unidade no mantein dame no pas iha ita nia rai laran,” Jacinto husu.
Entertantu David Dias Goncalves, siklista minoridade ne’ebe partisipa mos iha eventu ne’e husu ba joventude Timor oan sira atu involve iha kualker atividade hodi dezenvolve talent ne’ebe iha.
“Hau husu ba joven sira ne’ebe mak idade liu hau no hatene sae bisikleta nusa mak la kohi tuir kurida bisikleta nasional ne’e ,hau idade ki’ik mos bele tuir,“ nia dehan.
Tuir David katak, maske nia idade kik maibe bele ona hatudu Timor leste nia naran ba mundu internasional sira.
“Hau maske idade ki’ik maibe hau mos prontu halai husi Manatutu mai iha Dili”David dehan.
“Tanba ne’e hau sei kontinua partisipa ba eventu hanesan ne’e tanba hau nia naran tama ona iha internasional,”.
Alende ne’e Xefe Estadu ,Dr. Jose Ramos Horta hateten, Tour de Timor  ne’e la’o ho diak tanba rai Timor tetuk. “halai bisikleta ne’e diak ba ita nia saude, tanba ita nia sidade kareta barak liu  tanba menus ezersisiu, problema saude mos sa’e,” hateten Xefe Estadu.
Tuir Horta,Tour de Timor ho Dili Maratona ne’e fo inspirasaun ba Timor oan sira para halo ezersisiu para ema iha nasaun ne’e sai saudavel hotu.