Quinta, Junho 13, 2024
Total visitors: 766366

Sekretariu Estadu Obras Publiku (SEOP),Domingos Caero hateten rehabilitasaun ba ponte Loes oras ne’e dadaun atinji ona pursentu 80 (80%) no sei remata iha fulan Setembtu tinan ne’e.

“Sira sei finaliza obra ne’e iha fin de Setembru no  movimentu kareta bele  la’o normal, e ami sei autoriza kareta to’o tonelada hira  sei bele liu,” informa  SE.Domingos Caero semana kotuk iha Sentru Konvensaun Dili.
Projetu ne’e rasik kaer husi Kompania Estaka Karya-Indonezia,maske obra ne’e besik remata ona maibe governu seidauk selu “tanba iha komitmentu hateten ona katak halo hotu tiha mak selu dala ida,”nia dehan.

Iha parte seluk Deputadu Inacio Moreira husu ba Ministeriu kompetente atu kontrola ho diak nune’e obra ne’e bele hotu lais antes tama ba rai udan.

“Hau hanoin reabilitasaun deit tenki remata duni  so ke kestaun mak kompania ho ministeriu kompetetente tenki toma sira nia responsabilidade  para halo tuir tempu nebe iha”Inacio sujere.