Quarta, Fevereiro 19, 2025

Ministru Defeza (MD), Kontra Almirante, Donaciano Costa Gomes “Pedro Klamar Fuik” prioriadade Ministériu Defeza nian ba tinan 2025 nian mak konstrui hela-fatin hamutuk 120 ba militár sira.

Ministru Defeza (MD), Kontra Almirante, Donaciano Costa Gomes “Pedro Klamar Fuik” prioriadade Ministériu Defeza nian ba tinan 2025 nian mak konstrui hela-fatin hamutuk 120 ba militár sira.

Nia dehan, prioridade konstrui hela-fatin ba militár sira-ne'e ofisialmente lansa ona ba públiku planu mestre ba konstrusaun nian no tuir planu ne'e konstrusaun hahú iha tinan 2025 ne’e.

"Iha tinan 2025 ne'e prioridade Ministru Defeza nian mak konstrui hela-fatin ba militár hamutuk 120 nune’e mós konstrusaun ba baze militár," nia dehan.

Nia hatete, hela fatin ne'ebé sei konstrui ne'e militár sira sei hela ho sira-nia família.

“Hela fatin ba militár ne’e ita konstrui batallaun ida iha zona norte, iha zona sul, ita sei tau forsa fuzileiru sira iha Leste Lospalos, Baucau no Viqueque inklui ida iha Hera depois abranje to’o Atauro no Oecusse, projetu infra-estrutura militár ne’e sei realiza iha tinan 2025," Ministru Defeza Kontra Almirante Pedro Klamar Fuik informa.

Nia dehan, tuir planu mestre ne’e katak estabelese baze militár ne’e kompostu husi kuartel ba militar no rezidensia ba militar sira, ne’ebé ho família sira bele hela ho kategoria nivel de kompañia movel ne’ebé konstitui batallaun brigade ho nian postu tátiku.

Entretantu Xefe-Estadu Maiór Falintil Forsa Defeza Timor-Leste (F-FDTL) Tenente Jenerál Domingos Raúl Rate-Laek dehan, hela fatin ba militár sira ne'ebé mak antes ne'e konstrui hodi fasilita militár ho nia família sira hela ne'e aat hotu ona.

"Ita esperansa katak kontrusaun baze militár no hela fatin ba militár ne’e tinan ida ne’e bele kontrui ona nune’e ita nia militár sira bele utiliza ona hodi halo servísu," nia hatete.

Nia dehan, konstrusaun no ekipamentu militár sira ne'ebé mak governu investe ne'e hola parte iha dezenvolve no moderniza instituisaun Falintil-Forsa Defeza Timor-Leste (F-FDTL).