Quarta, Fevereiro 19, 2025

Realizasaun jogu CPLP ne'ebé Timor-Leste sai hanesan uma-na'in iha 2025 ne'e, hodi haburas liu tan relasaun kulturál no atlétiku entre nasaun sira ne’ebé hola parte iha Komunidade Paizes Língua Portugeza (CPLP).

Kordenadór Jerál ba Jogu Komunidade Paizes Língua Portugeza (CPLP) Jorge Soares Cristovão dehan, Timor-Leste preparadu hodi sai uma-na’in ba jogu CPLP ne'ebé sei realiza iha fulan Jullu tinan ne'e.

Kordenadór Jerál ba Jogu Komunidade Paizes Língua Portugeza (CPLP) Jorge Soares Cristovão dehan, Timor-Leste preparadu hodi sai uma-na’in ba jogu CPLP ne'ebé sei realiza iha fulan Jullu tinan ne'e.

"Jogu CPLP ne'e lori impaktu di'ak tebes mai ita Timor-Leste, tanba hodi haburas relasaun kulturál no atlétiku entre nasaun sira ne’ebé hola parte iha Komunidade Paizes Língua Portugeza (CPLP)," nia dehan.

Nia hatete, sei asegura Jogu CPLP ne'e ho di'ak atu bele hatudu ba mundu katak Timor-Leste mós bele sai uma-na’in ba jogu CPLP nune'e mós promove identidade kulturál.

"Ida-ne’e nu’udar oportunidade ba Timor-Leste atu hatudu nia abilidade atu sai uma-na’in ba eventu desportivu internasionál sira no atu eleva liután nasaun nia reputasaun iha palku globál," nia dehan.

Enkuantu Jogu CPLP ne’e hetan partisipasaun másimu hosi Estadu-membru sira, ho delegasaun hanesan: Angola (partisipante 101), Brazil (101), Cabo Verde (101), Guiné-Bissau (61), Guiné Ekuatoriál (35), Mosambike ( 70), Portugál (101), São Tomé e Prínsipe (35), no Timor-Leste (101).

Entretantu Joventude Liveltino Alves dehan, espera katak jogu CPLP ne'e bele lori benefisiu di'ak ba Timor-Leste liu-liu ba joven sira iha mundu desportivu.

"Ita fiar katak jogu ne'e sei partisipa masimu husi jogadór Timor-oan sira nune'e bele aumenta liután sira nia abilidade iha desportivu," nia hatete.

Nia dehan, nune’e mós husu atu asegura jogu ne'e ho di'ak nune'e bele hatudu nian profesionálismu ba partisipante sira husi nasaun CPLP.