Quarta, Fevereiro 19, 2025

Orsamentu ne’ebé prevé ba Hospital Nasional Guido Valadares (HNGV) hamutuk Millaun $14, no sei tau prioridade ba sosa Ekipamentu nomós sei halo alargamentu edifisu ba unidade sira.

Orsamentu ne’ebé prevé ba Hospital Nasional Guido Valadares (HNGV) hamutuk Millaun $14, no sei tau prioridade ba sosa Ekipamentu nomós sei halo alargamentu edifisu ba unidade sira.

"Orsamentu ne’ebé mak aloka ba HNGV iha tinan 2025 hamutuk $14 ital Milhões, ita kompara ho tinan 2024 ita iha $13.5 Milhões, maibé grasa a deus iha tinan 2025 ita hasae ona ba iha $14 Milhões, tanba ne'e ita sei tau prioridade liu ba Ekipamentu Medikamentu nian no edifisu alargamentu kada unidade," hatete Diretora Administrasaun Finansa no Lojuistika Hospital Nasional Guido Valadares (HNGV) Sara Maria Xavier ba jornalista sira iha Iha HNGV, Díli.

Nia esplika, orsamentu ne’ebé aloka ba HNGV iha tinan 2025 hamutuk $14 Milhões kompara ho 2024 nian, tanba ne’e iha tinan 2025 HNGV tau prioridade ba sosa ekipamentu nomós halo alargamentu ba edifisu.

"Tanba neste momentu ita-nia ICU iha kama 6 de’it ne’e mak la bele responde ba populasaun Timor-Leste ne’ebé iha 1.3 Milhões, tanba ne’e ita presiza atu kria fila fali kondisaun iha unidade sira-ne’e hanesan medisina interna kaurtu ida ita sei halo alargamentu, kria kondisaun hanesan mini ICU, para tau ekipamentu hanesan ICU para fó tratamentu ba ita-nia pasiente sira ne’ebé tama ba komisaun kritíku se iha ICU nakonu.

Nune’e mós sei loke tan iha medisina iha Geulojia muilller ne’ebé mak sei kria kondisaun para akumula ita-nia pasiente sira ne’ebé tama ba kategoria ba kritiku tama ba kategoria ICU l," nia hatutan.

Iha fatin seluk Akademista UNTL Romaldo Oliveira hatete, HNGV presiza tau atensaun ba ekipamentu sira-ne'e, tanba dala barak pasiente sira ba tratamentu iha ne’ebá kama de’it mós la to'o.

"HNGV presiza tau atensaun ba problema sira-ne'e, tanba dala barak pasiente sira ba halo tratamentu iha ne’ebá balun tur de’it iha kadera, ou toba fali iha liur, ida-ne'e presiza duni atu tau atensaun," dehan Romaldo.

Nia hatutan, orsamentu iha ne’e tenke jere ho didi'ak atu nune’e bele rezolve netik problema sira ne’ebé akontese iha HNGV ne'e, selae bele orsamentu boot, maibé la hatene atu jere mak hanesan de’it.