Segunda, Maio 17, 2021

Polisia hahu blokeia movimentu transporte publiku iha kapital Dili laran ligadu ho implementasaun konfinamentu domisiliariu jerel hodi halo prevensaun ba hadaet corona virus ne’ebe mak oras ne’e tama ona iha transmisaun komunitaria.

Komandante Polisia Munisipiu, Dili Superiententedente Xefe Henrique da Costa hateten, blokeia movimentu transporte publiku iha Dili laran ne’e bazeia ba rezolusaun ne’ebe mak governu fo sai ona tanba ne’e departamentu nasional tranzitu no seguransa rodaviaria hahu blokia ona transporte publiku atu labele halo sirkulasaun.

Komandante Polisia Munisipiu, Dili Superiententedente Xefe Henrique da Costa hateten, blokeia movimentu transporte publiku iha Dili laran ne’e bazeia ba rezolusaun ne’ebe mak governu fo sai ona tanba ne’e departamentu nasional tranzitu no seguransa rodaviaria hahu blokia ona transporte publiku atu labele halo sirkulasaun.

“Hahu ona transporte publiku hanesan taxi, mikrolet, bus, no anguna, labele halo movimentu iha Dili laran no labele sai no tama mai Dili,” Superientendente Costa dehan.

Nia dehan, polisia sei la tolera motorista sira ne’ebe kontra no kuntinua halo movimentu tula pasajeirus, polisia sei halo aprendisaun ba viatura no aplika multa tuir lei.

“Se mak la kumpri ita sei kaptura no prosesu tuir lei ita sei la iha toleransia,” nia informa iha servisu fatin Caicoli, Dili.

Nia dehan, polisia garante rezolusaun ne’e hodi hodi bandu movimentu transporte publiku nune’e fasil ba polisia hodi kontrola movimentu ema hotu iha hodi prevene transisaun iha Dili.

Entretantu, Komandante Sentru Intergadu Gestao de Crize (SIGC), Brigaderio General Joao Mario “Aluk Descartes” hateten, liu husi inkontru ne’ebe mak sala situasaun SIGC halo ho parte relevante ba prevensaun covid-19 ne’ebe destaka iha sentru integradu gestao de crize hodi bele aperta sekra sanitaria no konfinamentu obrigatoriu iha Dili no munisipiu afetadu sira.

“Ita fo hanoin ba sidadaun sira hotu hahu dia 3 de maio ba oin sei la iha movimentu transporte publiku, ba sidadaun sira ne’ebe atu halo movimentu tenke iha karta lisensa husi sira nia identidade patronal no mos superior hirarkia instituisaun nian,” nia informa.

Nia dehan, ba sira ne’ebe mak kontra polisia iha autoridade hodi foti medidas tuir lei no fo nahoin nafatin ba PNTL ne’ebe iha terenu bainhira halo servisu iha terenu tenke hatudu atitude diak ba komunidade.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04