Sexta, Março 29, 2024
Total visitors: 766366

Fundasaun Mahein (FM) husu Polisia Nasional Timor-Leste (PNTL) no FALINTIL-Forsa Defesa Timor-Leste (F-FDTL) tenke aperta seguransa metin iha fronteira hodi halo prevensaun ba transmisaun surtu Covid-19 liu husi movimentu ilegal munisipiu Bobonaru no Covalima.

Diretor Ezekutivu FM, Joao Almeida, hateten kazu movimentu ilegal sempre akontese iha fronteira ne’e tanba komunidade sira hela iha fronteira ne’e, sira nia nesesidade baziku depende liu ba iha nasaun vizinhu tanba ne’e seguransa tenke metin.

Diretor Ezekutivu FM, Joao Almeida, hateten kazu movimentu ilegal sempre akontese iha fronteira ne’e tanba komunidade sira hela iha fronteira ne’e, sira nia nesesidade baziku depende liu ba iha nasaun vizinhu tanba ne’e seguransa tenke metin.

“Ita husu PNTL no F-FDTL tenke asegura metin fronteira hodi kontrola ita nia komunidade sira ne’ebe mak sempre halo aktividade negosiu iha nasaun vizinu bainhira fila mai tenke submete ba kuarentena hodi halo prevensaun ba transmisaun lokal covid-19,” Diretor Almeira husu.

Nia dehan, komunidade sira ne’e nesesidade ekonomia mak movita sira hodi kuntinua komete movimentu ilegal.

“Tanba ne’e seguransa tenke metin hodi kontrola movimento iha fronteira hodi garante katak komunidade hotu ne’ebe mak halo movimentu ilegal lebele husik livre no submete ba kuarentena hodi kumpri regras husi ministeriu saude ba prevensaun Covid-19 iha Timor,” nia salienta.

Nia haktuir, dadaun ne’e kazu pozitivu kazu covid-19 iha Atambua kada loron aumenta tanba ne’e mak governu deside taka fronteira hodi halo kontrolu foku liu ba movimentu ilegal sira, maibe realidade seguransa iha fronteira la seguru.

“Seguransa iha fronteira tenke metin tanba kazu transmisaun lokal fo amisa ba ita, tanba iha linha fronteira ita hare komunidade sira nafatin hakat fronteira ilegalmente,” nia dehan.

Alende ne’e nia dehan, situasaun Lockdown ne’ebe governo halo ba munisipio rua iha fronteria Bobonaru no Covalima, governu mos tenke garante alimentu no nesesidase baziku ba komunidade nune’e sira bele tur hakmatek no labele halo movimentu ilegal.

Entretantu, Komandante Jeral Polsia Nasional Timor Leste (PNTL), Komisariu Faustino da Costa hateten, iha implementasaun Estadu Emerjensia (EE), ba dala-10, poolisia sei kriminaliza sidadaun sira ne’ebe mak halo movimentu ilegal iha froteira.

Nia dehan, orientasaun ba komandante PNTL munisípiu sira, liu liu ba Covalima no Bobonaru hodi kontinua implementa regra ne’ebe governu liu husi Ministeriu Saude (MS), ho Organizasaun Mundial Saude (OMS), hodi sensibiliza nafatin informasaun ba komunidade sira atu kumpri estadu emerjensia.

“Orientasaun ba estado emergensia ba dala-10 ne’e liu-liu ba sidadaun sira ne’ebe halo movimento ilegal ita sei kriminaliza no ba sidadaun sira ne’ebe mak la kumpri regras mos kondisera krimi desobidiensia,” nia dehan.