Sexta, Março 29, 2024
Total visitors: 766366

Membru Polisia Nasional Timor-Leste PNTL nain 100 identifikadu ona hodi simu vasina covid-19 uluk iha Timor-Leste, ne’ebe sei halao husi ekipa ministeriu saude nian.

Komandante Jeral PNTL, Komisariu Faustino da Costa hateten, membru nain 100 ne’ebe identifikadu ona ne’e ne’e livre husi moras no membru refere sei simu uluk vasina covid-19 liuhusi programa vasinasaun.

Komandante Jeral PNTL, Komisariu Faustino da Costa hateten, membru nain 100 ne’ebe identifikadu ona ne’e ne’e livre husi moras no membru refere sei simu uluk vasina covid-19 liuhusi programa vasinasaun.

“Ami mak sei vasina iha loron primeiru nian tanba ne’e ami prepara ona ami nia membru nain 100 hodi partisipa iha vasina ne’e hodi asegura an husi moras corona virus,” Komandante Jeral PNTL Komisariu Costa informa.

Nia dehan, membru sira ne’ebe identifikado ne’e, durante akontese surtu Covid-19 ne’e sira hala’o serviso iha kuarentena, fatin izolamentu no iha fronteira terestre iha 24 oras no sira ne’e mak merese simu uluk vasinasaun.

“Ita fo prioridade uluk ba membru sira ne’ebe mak destaka iha parte ne’ebe ita mensiona tanba sira mak risku liu,” nia salienta.

Maibe nia dehan karik, membru hirak ne’ebe mak vasina depois vasina mak hetan moras parte PNTL sei konfirma ho parte Ministeriu Saude (MS) atu bele toma responsabilidade.

“Maibe ita fiar katak programa governu nian ne’e sei halo ho diak no susesu hodi tulun povu Timor-Leste livre husi Covid-19,” nia hateten.

Iha fatin hanesan, Xefe Departamentu Promosaun Saude Misliza Vital hateten, programa vasinasaun ne’e nia objetivu atu proteje ema nia isin kontra moras Covid-19 liu husi proteje an husi transmisaun lokal iha Timor-Leste.

“Tanba ne’e ami husu ba membru PNTL no publiku atu labele fiar buatu ne’ebe ema lansa iha media sosial relasiona no vasinasaun Covid-19,” Xefe Departamentu Vital hateten.

Tanba ne’e nia dehan, vasina ne’e mak Timor-Leste sei hetan mak hanesan AstraZeneca ne’e tuir desizaun husi Konselhu Ministrus, no vasina ne’e seguru, efikas no iha kondisaun nesesariu hanesan armazenamentu no refrijerasaun atu rai.

“Maibe vasina-19 ne’e tuir planu universal, gratuita, asesibilidade no ekuidade maibe la obrigatoriu,” nia informa.

Tanba ne’e nia dehan, vasina ba fase dahuluk, sei preve ba populasaun 8% husi ne’e 3% prioridade ba trabalhador linha frente, liu-liu ba funsionario ne’ebe mak koloka iha kuarentena, izolamentu no postu entrada sira iha fronteira inklui portu areoportu no fronteira terestre.