Terça, Março 02, 2021
Total visitors: 550987

Membru Parlamentu Nasional, Deputado Alexandrino Cardoso hateten pesti ne’ebe konhesidu ho ular tentara ataka agrikultor sira nia batar kuaze hectares 115 iha postu Administrativu Fatubeliku, Munisipio Ainaro.

Membru Parlamentu Nasional, Deputado Alexandrino Cardoso hateten pesti ne’ebe konhesidu ho ular tentara ataka agrikultor sira nia batar kuaze hectares 115 iha postu Administrativu Fatubeliku, Munisipio Ainaro.

“Iha Domingo ne’e hau dada lia ho extensionista iha postu Fatubeliku, sira aprezenta katak pesti ho naran ular tentara ne’e estraga ona batar to’os kuaze hectares 115, tanba ne’e hau husu ba Ministerio Agrikultura no Peskas atu toma desizaun emediata ba kazu ne’e,” nia hateten iha plenaria parlamentu nasional, Dili.

Nia dehan, extensionista sira hato’o ona problema ne’e ba Ministerio Agrikultura no Peskas (MAP) iha munisipio nian, maibe seidauk iha asaun tanba ne’e pesti kontinua habelar aan estraga agrikultor sira nia batar.

Nia hateten, bazeia ba deklarasaun extensionista sira nian pesti ne’e kontinua habelar aan no estraga hotu komunidade nia to’os mak sei afeta ba produsaun batar iha primeiru epoka.

Iha parte seluk, Diretor Organizasaun Hametin Agrikultura Sustentavel Timor-Leste (HASAIL), Gil Boavida, hateten atu hasa’e produsaun rai laran importante tenke melhora infrastruktura bazika, irigasaun, armajena, no insentiva partisipasaun sosiedade foinsa’e sira atu halao atividade produsuan nian.

Nia dehan, governu presiza hare fali politika sira atu fo motivasaun ba produtor sira hasa’e produsaun, liu-liu hakbi’it kapasidade agrikultor sira nian atu dezenvolve fini, adubu organiku no pestisida organiku.

“Presiza hametin kordenasaun entre membru KONSSANTIL sira atu kria politika ne’ebe diak fo motivasaun ba produtor sira atu halo investimentu ba setor produsaun,” nia hateten.

Nia dehan, governu presiza reve fila fali politika subsidio sira ba agrikultura hanesan fini, adubu atu bele garantia nia sustentabilidade sein depedensia ba governu.

Konselho Nasional Seguransa Aihan no Nutrisaun (KONSSANTIL) mak sekretariadu teknikal ne’ebe involve husi linha ministerio relevante sira atu dezenvolve planu asaun no halo advokasia atu hadia seguransa aihan no nutrisaun iha rai laran.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04