Domingo, Março 07, 2021
Total visitors: 551922

Governo liu husi Ministerio Interior (MI) deside ona atu lori fila Timoroan nain 56 ne’ebe mak hela iha konsulado Timor-Leste iha Atambua relasiona ho estado emergensia ba dala IX ne’ebe mak taka total fronteira sira.

Governo liu husi Ministerio Interior (MI) deside ona atu lori fila Timoroan nain 56 ne’ebe mak hela iha konsulado Timor-Leste iha Atambua relasiona ho estado emergensia ba dala IX ne’ebe mak taka total fronteira sira.

Vise Ministro MI, Antonio Armindo hateten Timoroan nain 56 ne’ebe hela iha konsulado Timor-Leste iha Atanbua hahu husi dia 24 de dezembro to’o ohin loron, no sidadaun hirak ne’e maioria estudante no inklui mos Timoroan balun ne’ebe mak hala’o aktividade iha Indonesia.

“Dadaun ne’e governo deside ona atu lori fila Timoroan nain56 ne’e mai Timor iha dia 20 Janeiro agora,” nia dehan.

Nia dehan, sidadaun nain 56 ne’e tama sei kumpri kuarentena ne’ebe mak governo prepara ona durante 14 dias depois karik livre husi Covid-19 bele fila ba uma.

“Iha dia 20 agora ita deside ona loke areporto iha oras ida nia laran atu nune’e sidadaun hirak ne’e bele tama mai Timor,” Vise Ministro MI Armindo deklara.

Tanba ne’e nia husu nafatin ba sidadaun hirak refere atu nafatin la’o tuir dalan legal no kumpri protokolu saude publika husi Ministerio Saude no Organizasaun Saude Mundial.

Entretanto, Diretor Jeral Serviso Migrasaun, Superientendente Asistente Luis Bareto hateten, tuir lolos ne’e sidadaun nain 56 ne’e tenke hela provizorio lai iha konsulado Timor-Leste iha Atambua ne’e to’o fronteira loke tanba sira mai ne’e mos impakto bo’ot ba transmisaun Covid-19.

“Durante fronteira taka ne’e Serviso Migrasaun Unidade Patrulhamento Fronteira FALINTL-Forsa Defesa Timor-Leste (F-FDTL) ami la autoriza kualker sidadaun atu tama Timor,” nia dehan.

Maibe nia dehan, ba estudante nain 56 ne’e desizaun husi governo nian atu bele lori sira fila tanba sira hela iha ne’eba uza rasik sira nia osan no oras ne’e dadaun sira la iha osan hodi sosa sira nia presija.

“Hakarak ka lakoi governo tenke foti desizaun nune’e bele loke dalan ba Timoroan hirak ne’e mai Timor,” nia informa.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04