Quarta, Novembro 25, 2020
Total visitors: 536834

Diretor Executivu Organizasaun Psychosocial Recovery and Development in East Timor (PRADET), Manuel dos Santos hateten ema ho moras mental sei nafatin hetan diskriminasaun, stigma no ignoransia husi familia, komunidade iha sosiedade, tanba sira sei hetan torturasaun no violensia oioin.

Diretor Executivu Organizasaun Psychosocial Recovery and Development in East Timor (PRADET), Manuel dos Santos hateten ema ho moras mental sei nafatin hetan diskriminasaun, stigma no ignoransia husi familia, komunidade iha sosiedade, tanba sira sei hetan torturasaun no violensia oioin.

Nia dehan, diskriminasaun no stigma sei a’as tanba konhesimentu kona ba moras mental sei menus no konsiensia publiku nian atu suporta ema ne’ebe ho problema moras mental sei menus tebes.

“Kazu barak hetan estado rekuperasaun ona depois moras fali tanba problema sosio ekonomia. No balun konsiensia familia nian ne’ebe menus ladun fo atensaun, liu-liu sira ne’ebe sei iha prosesu tratamentu medikamentu entaun bele monu fila fali ba kondisaun moras mental,” nia hateten iha Timor Plaza, Dili.

Nia dehan, governu tenke konsidera ona servisu saude mental hanesan prioridade, liu-liu halo investimentu ba edukasaun ba publiku, halo investimentu ba rekursu humanu area psikiatria, psikologista atu bele fo atendimentu ne’ebe integradu ba komunidade ho problema mental tanba numeru moras mental iha rai laran a’as.

Entretantu, Diretora Nasional Kontrolu Moras, Josefina Clarinha João rekonese rekursu humanu sai obstaklu ida, maibe atendimentu kuidadu saude mental iha fasilidade saude hotu iha.

Nia dehan durante ne’e moras mental sira ne’ebe identifikadu halo tratamentu iha sentru acut care iha hospital nasional no hetan apoia sikologia, terapia sikologia no rekuperasaun husi parseiru sira to’o pasiente ne’e estado saude rekuperadu foin re-integra ba familia.

“Problema ne’ebe ita hasoru mak bainhira ita reintegra ba familia. Tanba iha familia balun mak laiha konesementu diak kona ba moras mental entau sira ne’ebe rekupera lahetan apoia no suporta husi familia monu fila fali ba kondisaun moras mental,” nia hateten.

Nia konkorda, numeru moras mental iha rai laran a’as laos deit sira ne’ebe lao iha luron, maibe ema se deit bele hetan moras mental no balun to’o hakotu vida liu husi tara aan no balun to’o halo kanek ema seluk.

Iha parte seluk Conselheiro Interino Dezenvolvimentu Humanu iha Embaixada Australia, Troy Skaleskog hateten dever ema hotu nian atu fo prioridade tau atensaun ba problema saude mental.

“Ita hotu hatene iha dezafiu barak ne’ebe ministerio saude no Ministerio Solidaridade Sosial no Inkluzaun (MSSI) no parseiru sira hotu enfrenta. Governu Australia kontente ho rekursu ne’ebe iha kontinua fo apoia ba servisu balun liu husi ami nia parseiru PRADET,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04