Segunda, Outubro 26, 2020
Total visitors: 530117

Diretora Nasional Rekursu Humanu, iha Ministerio da Saúde (MdS), Tomasia de Sousa hateten agora dadaun mediku espesialista Cubanu nain 116 mak apoia hela servisu prestasaun saúde iha hospitais, sentru internamentu sira tanba espesialista timor oan sei menus.

Diretora Nasional Rekursu Humanu, iha Ministerio da Saúde (MdS), Tomasia de Sousa hateten agora dadaun mediku espesialista Cubanu nain 116 mak apoia hela servisu prestasaun saúde iha hospitais, sentru internamentu sira.

Nia salienta, mediku Timoroan ne’ebe hasai ona espesialidade foin nain 45 iha area pediatria, oftamologia, cardiologia, ginecologia, medisina interna, orthopedic, anesthesia, dermatologia, cirurgião, emergensia no seluk tan, maibe sei limitado tebes atu responde ba nesesidade hospitais no sentru internamentu sira.

“Timoroan sira maioria iha hospital nasional no hospital referral Maliana, Baucau, Suai, Maubessi no Oecusse. Sentru internamentu sira ita hetan apoia husi mediku Cubanu sira atu ajuda ita nia mediku jeral sira,” nia hateten iha servisu fatin Kaikoli, Dili.

Nia dehan, governu iha koperasaun ne’ebe diak tebes ho nasaun Cuba liga ho dezenvolvimentu rekursu humanu iha setor saúde nian no prestasaun servisu kuidadu saúde iha rai laran, maibe governu mos iha responsabilidade atu apoia sira halao servisu iha rai laran.

Nia haktuir, mediku Cubanu nain 116 ne’e governu fo salariu no alojamentu inklui kustu moris kada ema ida $2,000 ba fulan ida nian.

Nia informa, sira kada tinan propoin vaga bolsu estudu ba espesialista 40, maibe iha tinan 2017, konsege haruka deit ema nain 29 ba hasai espesialista iha Cuba, no iha tinan 2018 to’o 2020, laiha vaga tanba orsamentu geral do estado laiha.

Entretantu, Diretor Administrasaun Finansas no Logistika, iha Hospital Nasional Guido Valdares (HNGV), Duarte Marçal de Araújo hateten servisu espesializasaun sira hetan apoia husi Cuba, China no Australia.

Nia dehan, sira iha akordu ho universidade nasional Fiji tanba ne’e kada tinan haruka ema nain 5 kompostu husi mediku jeral, enfermeiru, no tekniku aliadu sira atu bele hasai espesializasaun.

“Mediku sira iha HNGV ne’e barak mak hasai estudu iha Fiji entaun sira rasik mak sente no sai indikador ida ba ita atu sukat tanba ne’e ami haruka sira ba iha Fiji no ita mos iha akordu ho sira,” nia hateten.

Nia informa, aktualmente mediku nain kuaze nain 9 mak halao hela estudu iha Fiji, maibe tanba orsamentu laiha entaun sira hasai rasik osan hodi selu alojamentu no kustu vida no governu sei selu fali bainhira orsamentu tinan 2020 hahu ezekuta ona liu husi Fundu Dezenvolvimentu Capital Humanu.

Iha parte seluk, Membru Parlamentu Nasional, Deputado David Dias Ximenes konkorda governu kontratu mediku espesialidade sira husi nasaun seluk tanba Timoroan sei menus tebes, maibe importante kria fasilidade no ekipamentu atu apoia sira halo servisu hodi redus transferensia ba rai liur.

“Hau nia hanoin ita fo prioridade ba ekipamentu mediku nian, ita labele garantia sai ba liur deit. Sai ba liur ita nia osan oituan iha mai ita sei gasta hotu tiha deit. Entaun ita nia hanoin mak ekipamentu sira ne’e mai ita kontratu ema sira husi liur apoia ita nia ema balun ne’ebe iha ona komesa fo prestasaun,” nia hateten.

Nia preokupa, durante situasaun COVID-19, pasiente balun ho moras todan seluk hein to’o mate tiha deit tanba atu sai ba liur aviaun laiha no prosesu atu hetan autorizasaun husi hospital sira iha liur kleur.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04