Terça, Maio 21, 2024
Total visitors: 766366

TOMAK buka organizasaun lokál sira ne’ebé hatudu ona esperiénsia no prátika barak iha área pekuária, atu fó apoiu iha dezenvolvimentu no ikus mai hala’o implementasaun ba prátika pekuária hirak ne’ebé relasionadu ho hakiak, no tau matan ba manu iha suku selesionadu husi munisípiu Baucau, Bobonaro no Viqueque. TOMAK hakarak katak organizasaun hirak ne’ebé interesadu atu halao servisu ida ne’e atu hatama sira nia Espresaun de Interese (EI). Atu hetan informasaun kona ba rekizitu EI favor haree iha http://tomak.org/jobs/.

Ida ne’e komponente terseiru programa TOMAK nian ne’ebé buka atu aumenta produsaun no konsumu nan manu no mos manu-tolun. Komponente primeiru (implementa daudauk husi Ministériu Agrikultura no Peskas) buka atu hadiak kobertura vasinasaun ba moras Newcastle; ida segundu buka atu promove konsumu manu-tolun no na’an manu, liuliu ba labarik no inan isin rua.
TOMAK sei hili organizasaun lokál ne’ebé kualifikadu,liu husi deklarasaun badak kona-ba organizasaun nia kapasidade atu hala’o servisu ida ne’e. Organizasaun ne’ebé selesionadu tiha ona tenke hatudu katak iha duni esperiénsia mak aas kona-ba dezenvolvimentu prátika ne’ebé di’ak tebes kona-ba hakiak manu no tau matan ba manu iha suku laran, hanesan hanorin kona-ba manu luhan ne’ebé di’ak liu tan, hahan ba manu, jestaun ba manu no mós saúde manu nian. Organizasaun ida ne’é tenke hatudu katak iha duni staf ho kapasidade no esperiénsia iha dezenvolvimentu manu nian. Organizasaun ne’ebé selesionadu sei servisu hamutuk ho TOMAK nia ONG xave internasionál nain tolu (CRS iha Baucau Leste no Viqueque; World Vision iha Baucau Oeste; no Mercy Corps iha Bobonaro) hodi fó apoiu implementasaun projetu pilotu iha kampu. Kolaborasaun inisiál ba tinan rua maibé bele hatutan, depende ba rezultadu sira.
Ba informasaun klean liu kona ba rekizitu EI nia ne’ebé inklui mos deklarsaun kapasidade, favor kontaktu Joao Martires joao.martires@tomak.org . EI tenkiha tama ikus liu Sexta-feira 30 de Marsu 2018.