Sexta, Março 29, 2024
Total visitors: 766366

Xefe Departamento Saneamento Munisipio Dili, Domingos Suriano hateten kareta hirak ne’ebe mak uza hodi raut foer iha Dili laran durante ne’e 6 mak ho kondisaun aat.

Xefe Departementu Saneamentu Dili, Domingos Soriano hateten kareta raut foer nian neen mak aat ona.

“Ami iha kareta sanulu resin neen, maibe ami apoiu kareta ba jestaun kareta 6 ne’ebe mak ami uja kondiasaun a’at ona,” nia hateten, iha Dili.
Nia dehan, iha tinan hirak liu ba Munisipio Dili iha kareta 16, kompostu hosi Amro l8 no vaskolantu 8, maibe Municipiu apoiu fali kareta rua ba iha jestaun merkadoria, tanba ne’e hela deit kareta neen.
“Agora dadauk ne’e kareta sei iha, maibe kareta ne’e kondisaun mak aat hotu,” nia informa.
Hosi kareta neen ne’e, nia dehan kareta rua deit mak oras ne’e sira uja, restu ho kondisaun aat hotu ona no lori ona ba oficina hodi hadia.
Agora dadaun ne’e, nia hateten sira hein kareta 40 ne’ebe mak guverno kontratadu ona hodi apoia uza ba raut foer nian iha sidade Dili ne’e.
“Maibe ami la garantia ba kareta 40 ne’ebe mak kontratado ne’e hodi raut foer iha Dili laran,” nia haktuir tan.
Entretantu komunidade Juvinal Aurio hateten volume foer iha Dili laran aumenta maka’as, e kareta ne’ebe rau foer sira ne’e limitadu.
“Iha semana hirak liu ba ne’e kareta saneamento dader sempre mai raut foer, maibe iha semana ida ne’e la’e,” nia dehan.